上載日期：16/10/2024

主持：饒文傑(東華三院樂情軒主任)

一名住喺伊朗南部嘅男子阿木哈吉，因為超過60年冇沖涼，被封為世界上最污糟嘅人，但去年佢係群眾壓力之下沖涼後，好快就病咗，之後仲過埋身。原來阿木哈吉成日擔心沖涼????會染病，亦都有民眾話，佢唔沖涼係想保留住已經離逝嘅妻子係佢身上留落黎嘅氣味，所以超過60年都冇沖過涼。

無論係咩原因，佢最後比當地嘅村民成功說服左去沖涼，亦都估計因此失去左強大嘅保護系統至死。呢班村民當然係出於一片善意，但通往地獄嘅路，往往係由善意所促成。

我地有時好想幫助自己身邊嘅人，但係就冇好好咁樣了解佢地嘅真正需要，忽略從對方嘅處境出發，並且將一啲我地自以為正確嘅解決方法套用到佢地身上，結果反而害咗佢地。