上載日期：16/9/2024

主持：饒文傑(東華三院樂情軒主任)

大家有冇聽過「哈哈鏡效應」呢？哈哈鏡係靠住凹凸不平嘅鏡面，同埋透過聚光同反射，映照出眼前失真嘅物體。

其實每個人心裏面都有一面哈哈鏡，而童年時期吸光力係最強，無論係喜怒哀樂、幸福抑或不安嘅感受，都會慢慢累積，演變成專屬自己嘅鏡面弧度。簡單啲講如果你內在係快樂，世界就會呈現歡樂，相反如果內心係不安嘅，世界就反射出不安嘅模樣。

所以第一步就係先要覺察自己，原來心裏面一直有呢塊鏡，影響左我地嘅思考同感受，仲有提醒自己呢塊鏡反射出嘅形象係會有唔準確甚至扭曲嘅情況。

所以當我地學懂覺察自己嘅諗法同埋情緒嘅時候，就係改變嘅第一步啦！