上載日期：21/11/2024
主持：饒文傑(東華三院樂情軒主任)
從前有條村盛產小麥同玉米等農作物，村民十分辛勤耕耘。但有一年係農作物收割前呢條村遭遇土匪嘅搶奪，令佢地失去晒辛苦栽種嘅農作物。第二年，佢地為左防衛呢班土匪團結抵抗，但因為過度專注防衛，而忽略左好好照料農作物，結果呢年收成好差，仲餓死咗好多村民。
喺生活中，我地都常常因為過去嘅失敗而停滯不前。情傷…挫折…都會令我地懷疑自己，質疑他人，但最後可能反而錯失左真正關心我地嘅人。
其實呢個故事話比我地知，過去無法改變，未來亦無法預知。但我地唯一可以做嘅就係珍惜當下，為自己認為有價值嘅事情而努力。
