上載日期：2/4/2024

主持：饒文傑(東華三院樂情軒主任)

你有無留意一啲人成日將「我」、「我覺得「掛喺嘴邊？ 同大家分享一個有趣研究，原來經常將我、我覺得掛喺嘴邊嘅人，患上心臟病嘅機會會比平均值高好多。原來成日將焦點擺放喺自己身上，所有芝麻綠豆嘅小事都係佢嘅主觀感受裏面被無限放大，因而覺得自己承受好大壓力，其實呢個往往就係導致出現心臟問題嘅原因。

相反，同理心較強嘅人相對能夠考慮別人嘅需求同擔憂，懂得轉移焦點，自然就會淡化好多瑣碎嘅問題，壓力都因此減輕，對心臟所構成壓力亦都減少。

如果我哋識得將注意力從自己身上轉移，睇到別人嘅擔憂同困境，為有需要嘅人主動給予關懷同埋諒解，對自己嘅身心其實都有所裨益架！