上載日期：15/4/2024

主持：饒文傑(東華三院樂情軒主任)

試想像下你正準備裝修你嘅新屋，你好高興選擇新瓷磚同高級家電，你嘅預算已經確定，一切都已經計劃好。但你發現房屋的地基出現咗一條大裂縫，咁你會繼續裝修，定係先修補裂痕呢？

我地生活上好容易因為突然出現既挑戰，忘記左自己真正想要既東西，亦都冇攪清楚自己想點樣過生活，就好似剛才比喻咁，如果我只進行裝修，而唔去修補裂縫，固定地基，係會出現倒塌危險。 聽完依個比喻，你又可以不妨問一問自己，係當下咁多樣事情之中，你最需要處理既又係咩野事情先呢？